ڕۆژی چوارشەممە ١١ی تشرینی یەکەمی ٢٠٢٣ لە میانی ڕێوڕەسمی بیستەمین ساڵیادی دامەزراندن و دانانی بەردی بناغەی زانکۆی کۆیە لەسەر دەستی خوالێخۆشبوو بەڕێز سەرۆک جەلال تاڵەبانی، باڵاخانەی کافتریای نوێ و چەند هۆڵێکی نوێی خوێندن لە فاکەڵتیی پزیشکیی گشتیی زانکۆی کۆیە کرایەوە.
بە بەشداری بەڕێز سەرۆکی زانکۆی کۆیە پ.ی.د محمد حسیب صدیق و ئەندامانی ئەنجوومەنی زانکۆ و ئامادەبوونی ڕاگری فاکەڵتیی پزیشکیی زانکۆی کۆیە بەڕێز د. دەوەن حەوێزی، مامۆستایان و خوێندکارانی فاکەڵتیی پزیشکیی گشتیی زانکۆی کۆیە باڵاخانەی کافتریای نوێی فاکەڵتیی پزیشکی و چەند هۆڵێکی نوێی خوێندن لە فاکەڵتیی ناوبراو کرانەوە.
کردنەوەی باڵاخانەی کافتریای نوێی فاکەڵتیی پزیشکی و هۆڵەکانی نوێی خوێندن لە چوارچێوەی بیستەمین ساڵیادی دامەزراندن و دانانی بەردی بناغەی زانکۆی کۆیە لەلایەن خولێخۆشبوو بەڕێز سەرۆک جەلال تاڵەبانی بەڕێوەچوو، ئامانجی بنیادنانی ئەم باڵاخانە نوێیانە و کردنەوەی هۆڵەکانی نوێی خوێندن دەستەبەرکردنی باشترین کواڵیتی و ژینگەی دامەزراوەییە بۆ خوێندکارانی فاکەڵتیی پزیشکیی گشتیی زانکۆی کۆیە تاکوو لەگەڵ خوێندن و وەرگرتنی زانست و زانیاریی پیشەیی و ئاکادیمی بوارەکەیان هاوکات ژینگەییەکی گونجاویان بۆ شوێنی حەوانەوە و خوێندن بۆ دابین بکرێت لە چوارچێوەی کۆڵەکە سەرەکییەکانی پلانی ستراتیژیی زانکۆی کۆیە لە بنیادنانی زانکۆیەکی سەوز و بەهێز بۆ بنیادنان و دروستکردنی کۆمەڵگەیەکی بەهێز و تەندروست.
شایانی ئاماژەیە بەڕێوەبەرایەتیی ئەندازە و پڕۆژەکانی زانکۆی کۆیە ئەرکی دیزاین و دروستکردنی باڵاخانەی کافتریای نوێ و هۆڵەکانی نوێی خوێندنی فاکەڵتیی پزیشکیی گشتیی زانکۆی کۆیەیان لە ئەستۆ بوو.
