لە فاکەڵتیی پەروەردەی وەرزش یاریی کۆتایی چەند پاڵەوانێتییەک بەڕێوەچوو

فاکەڵتیی پەروەردەی وەرزش لە زانکۆی کۆیە لە ماوەی ڕابردوودا خولێکی لە بوارەکانی تۆپی دەست، تۆپی باسکە و تۆپی سەرمێز بۆ خوێندکارانی فاکەڵتییەکە لە هەردوو بەشی خوێندنی بەیانیان و ئێواران کردبووە و یاریی کۆتایی ئەم خولە لە هۆڵی داخراوی فاکەڵتیی پەروەردەی وەرزش بەڕێوەچوو.

ڕۆژی دووشەممە ١١ی کانوونی یەکەمی ٢٠٢٣، بە ئامادەبوونی یاریدەدەری سەرۆکی زانکۆ بۆ کاروباری خوێندکاران بەڕێز پ.ی.د قارەمان نادر شێخ بزێنی، بەشێک لە ئەندامانی ئەنجوومەنی زانکۆی کۆیە و مامۆستایان و خوێندکارانی فاکەڵتیی پەروەردەی وەرزش، یاریی کۆتایی خولی تۆپی دەست و تۆپی سەرمێز لە هۆڵی داخراوی فاکەڵتیی پەروەردەی وەرزش لە زانکۆی کۆیە بەڕێوەچوو.

ئەم خولە لەلایەن فاکەڵتیی پەروەردەی وەرزش بۆ خوێندکاران لە هەردوو بەشی خوێندنی بەیانیان و ئێواران ڕێکخرابوو لە بوارەکانی تۆپی دەست و تۆپی سەرمێز.

سەرەتا یاریی کۆتایی خولی تۆپی سەرمێز بەڕێوەچوو کە تێیدا لە ئاستی کچان خوێندکار "فیدرۆس فەرهاد" لە قۆناغی دووەمی فاکەڵتیی پەروەردەی وەرزش پلەی یەکەم و خوێندکار "ئاڵا ئاکۆ" لە قۆناغی سێیەمی فاکەڵتیی پەروەردەی وەرزش پلەی دووەمی بەدەستهێنا، لە ئاستی کوڕان خوێندکار"ژیرۆ جەنگی" لە قۆناغی چوارەمی فاکەڵتیی وەرزش پلەی یەکەم و خوێندکار"هەوراز ڕەشید" لە قۆناغی سێیەمی فاکەڵتیی پەروەردەی وەرزش پلەی دووەمی بەدەستهێنا.

یاریی کۆتایی خولی تۆپی دەست لەنێوان خوێندکارانی قۆناغی چوارەم /گروپی Aی خوێندنی بەیانیان و خوێندکارانی قۆناغی یەکەمی خوێندنی ئێواران بەڕێوەچوو و تێیدا خوێندکارانی قۆناغی چوارەم/ گروپی A توانیان سەرکەوتن بەدەستبهێنن.

شایانی ئاماژەیە ڕۆژی پێشتر واتە یەکشەممە ١٠ی کانوونی یەکەمی ٢٠٢٣، یاریی کۆتایی خولی تۆپی باسکە لە نێوان خوێندکارانی قۆناغی چوارەم/ گروپی A ی خوێندنی بەیانیان و خوێندکارانی قۆناغی یەکەمی خوێندنی ئێواران بەڕێوەچوو و خوێندکارانی قۆناغی چوارەم/ گروپی A ی خوێندنی بەیانیان توانیان سەرکەوتن بەدەستبهێنن.

دابەشکردنی خەڵات بەسەر سەرکەوتوواندا بەشێکی تری چالاکییەکەی فاکەڵتیی پەروەردەی وەرزشی پێکدەهێنا، فاکەڵتیی وەرزشی زانکۆی کۆیە لە چوارچێوەی پلانی ستراتیژیی زانکۆی کۆیە و کۆڵەکەی سەرەکی "سەرکەوتنی خوێندکار" بە ئامانجی برەودان و پەرەپێدانی توانایی وەرزشی خوێندکاران ئەم خولە وەرزشییەی ڕێکخست بوو تاکوو خوێندکاران وێڕای ئەزموونکردنی بەشداریکردن لە بوارە جیاوازەکانی وەرزش هاوکات توانایی جەستەیی خۆیان لە مەیدانی پێشبڕکێدا تاقی بکەنەوە.

Koya University

-----

Koya University (KOU) is located in the city of Koya (Koy Sanjaq) which is 1.0 hr drive to the East of the Kurdistan Region capital Erbil (Arbil, Hewlér) in Kurdistan Region of F.R. Iraq. It is on the foothills of beautiful high mountain. Its campus has been carefully laid out to embrace the beautiful mountainous nature.

There are 4 Faculties and 2 Schools in KOU; Faculty of Engineering (FENG), Faculty of Science and Health (FSCH), Faculty of Education (FEDU), Faculty of Humanities and Social Silences (FHSS), Shcool of Physical Education (SPHE) and School of Medicine (SMED).

Also, there are two research centers; Genome Center and Malai Gawra Center. Moreover, at KOU there is an English Language Center (BELC) at KOU has been opened with the sponsorship of IREX and American embassy in Baghdad as well as with the support of Spring International Language Center of The University of Arkansas. KOU has two Scientific Journals; ARO-The Scientific Journal of Koya University, which is indexed by Clarivate Analytics (ESCI), and Koya University Journal of Humanities and Social Sciences (KUJHSS). KOU is a proactive member of Erasmus/ Marhaba Project and Erasmus+.

KOU signed many Memorandum of Understandings (MoU) with many International Universities, e.g., The University of Arkansas (June 2015). The Lulea University in Sweden (April 2014), The University of Nottingham in the UK, The University of Buckingham in the UK (Oct 2008), Belkin University in Turkey (Sep 2009) The University of Greenwich in the UK, Cihan University-Erbil (2021) and Tishk International University (2021).

Koya University is a memebr of The Association of Arab Universities and the International Association of Universities.

News Room

News Date

دش, 12/11/2023 - 15:00

Image