مامۆستایەکی زانکۆی کۆیە خەڵاتی باشترین توێژەرانی جیهانیی زانکۆی ستانفۆردی لەلایەن وەزارەتی خوێندنی باڵاوە پێبەخشرا
وەزارەتی خوێندنی باڵا و توێژینەوەی زانستیی حکوومەتی هەرێمی کوردستان لە چوارچێوەی مەڕاسیمێکدا بە بەشداری وەزیری خوێندنی باڵا و توێژینەوەی زانستی بەڕێز د. ئارام محمد قادر، سەرۆکی دیوانی سەرۆکایەتیی هەرێمی کوردستان بەڕێز فەوزی هەریری، سەرۆکی زانکۆ حکوومییەکان و تایبەتەکانی هەرێمی کوردستان و بریکاری وەزیری خوێندنی باڵا و توێژینەوەی زانستی و ڕاوێژکاران و بەڕێوەبەرانی گشتیی وەزارەت خەڵاتی ڕێزلێنانی بەسەر ٢٩ توێژەری زانکۆ حکوومی و تایبەتیەکانی هەرێمی کوردستاندا دابەشکرد کە ناویان لە لیستی باشترین توێژەرانی جیهانی لە زانکۆی ستانفۆرد بۆ ساڵی ٢٠٢٣ی زایینی هاتبوو.